Գլխավոր | Բլոգ | Լրահոս | Մամլո ասուլիս ՀԿ տեսաերիզների (ժեստերի լեզվով) թողարկման առիթով

«Հայացք» ակումբում տեղի ունեցավ մամլո ասուլիս Հին Կտակարանի տեսաերիզների (ժեստերի լեզվով) թողարկման առիթով: Ներկա էին մեկ տասնյակ լրատվամիջոցներ: Տ. Եսայի քհն. Արթենյանը, տիկին Զուբեյդա Մելիքյանը, Գրետան և Արշավիր Գաբուճյանը մանրամասնորեն ներկայացրին այս ծրագրի իրականացման դրդապատճառներն ու շուրջ 12 տարվա պատմական ընթացքը: Տ. Եսային իր խորին շնորհակալությունը հայտնեց Հայաստանի Աստվածաշնչային ընկերությանը (ՀԱԸ) այս ծրագրի նախաձեռնության և իրականացման համար՝ շեշտելով խուլերի համայնքի երիտասարդների նվիրվածությունը Աստվածաշնչին և Աստծո խոսքին: ՀԱԸ ծրագրերի տնօրենն իր խոսքում ասաց. «Սա մեր բոլորի նվերն է, երբ սովորում ենք մեր լսածից, մեր տեսածից և մեր ունեցածից բաժին հանել ուրիշներին. Աստծո խոսքի նվերը, որ բացեց կույրի աչքերը, ոտքի կանգնեցրեց անդամալույծին և բացեց լեզուն խուլ ու համրի»: