2013 Օգս 23, ՈւրբաթՕգոստոսի 18-ին Սբ. Աստվածածնի Վերափոխման տոնի առիթով ՀԱԸ նորից այցելեց Տավուշի մարզի Բերդի տարածաշրջան: Նավուր գյուղի Մայրիվանքի շրջափակում տեղի ունեցավ ավանդական խաղողօրհնեք: Մեծ էր փոքրիկների ու զինվորների թիվը: Հայաստանի աստվածաշնչային ընկերության Գլխավոր քարտուղար Եզնիկ արք. Պետրոսյանն իր քարոզում խոսքն ուղղեց հատկապես նոր սերնդին՝ հորդորելով իրենց մեջ պահել Աստվածամոր ջինջ ու անարատ մաքրությունը, և կոչ արեց՝ ասելով. «Եթե ձեր ծնողները չկարողանան վերակառուցել այս գողտրիկ եկեղեցին, դո՛ւք պիտի ձեր ուսերին դնեք մեծ պատասխանատվություն՝ վերակառուցելու և պահպանելու այս սրբավայրը»:
Քարոզից հետո հավատացյալները իրենց հետ տարան օրհնված խաղողի ողկույզները: