Գլխավոր | Բլոգ | Լրահոս | ՀԱԸ նվերը Հայոց բանակին. Էջմիածին և Արտաշատ

Նախատոնական օրերը նշանակալից եղան Հայոց բանակի և Հայաստանի աստվածաշնչային ընկերության համար: Ս.թ դեկտեմբերի 27-ին ՀՀ ԶՈՒ Հոգևոր փոխ-առաջնորդ՝ Տ. Մովսես աբեղա Սարգսյանն ու ՀԱԸ ծրագրերի տնօրենը այցելեցին Էջմիածին և Արտաշատ քաղաքների երեք զորանոցներ, և հրամանատարներին, սպաներին ու բոլոր զինվորներին նվիրեցին հայոց բանակի համար պատրաստված ու նոր լույս տեսած ՚՚Աստվածաշնչի պատգամը. Աստվածաշնչային ընթերցումներ զինվորի համար՚ գիրքը:

Նոր Տարվա և Սբ Ծննդյան առիթով բաշխված այս գրքերը լավագույն նվեր համարեցին հայ զորականները, որոնք վաղուց էին սպասում Աստվածաշնչական պատգամի ներկայությունը հայ զինվորի կյանքում: Միջոցառմանը Հայր Մովսեսը կողմից ընթերցեց Ամենայն Հայոց Վեհափառ՝ Գարեգին Բ. Կաթողիկոսի օրհնության գիրը, ինչպես նաև ՀՀ ԶՈՒ Հոգևոր առաջնորդ՝ Վրթանես եպս. Աբրահամյանի ուղերձը: ՀԱԸ ծրագրերի տնօրենը սպաներին և զինվորներին հանգամանալից բացատրեց սույն հրատարակության նպատակը մասնավորաբար, և Աստվածաշնչի պատգամի կարևորությունը՝ ընդհանրապես հայ մարդու, բայց մանավանդ հայ զինվորի կյանքում:

Զիվորների երկյուղածությունն ու ուրախությունը երախտագիտության ամենավավերական խոսքերն ու արտահայտությունն էին:

Սույն ծրագիրը, որին աջակցում է Նոր Զելանդիայի Աստվածաշնչային ընկերությունը, հունվար ամսին ներառելու է տաս այլ զորանոցներ ևս, և բաժանվելու է 10.000 գիրք: