2012 Հուլ 16, ԵրկուշաբթիՏեր և տիկին Մուրադ և Լուիզ Գարագաշյանները, որոնք 2009թ.ից սատարում եմ ՀՀ ՊՆ Զինված ուժերին ս.թ. հուլիսի 16-ի առավոտյան այցելեցին ՀԱԸ գրասենյակ և հանդիպեցին ԶՈՒ հոգևոր աառջնորդ Վրթանես Սրբազանի և ՀԱԸ ծրագրերի տնօրեն Արշավիր Գաբուճյանի հետ խորհրդակցելու հետագա քայլերի մասին: Մուրատ Գարագաշյանը իր բարերաությամբ 10.000 օրինակ «Նոր Կտակարան և Սաղմոսներ» է հայթայթել սահմանամերձ զորանոցներում ծառայող բարձրաստիճան սպաների և զինվորների համար: Քաջ գիտակցելով, որ տվյալ քանակը չի կարող բավարարել հայոց բանակի նվիրյալներին նա պատրաստակամություն հայտնեց ամեն տարի 8000 օրինակով զինել հայ զինվորներին: Հանդիպման ժամանակ նա ասաց. «Ամեն մարդու մի շնորհք է տրված, որը պետք է անպայմանորեն արժևորել, ես այս շնորհքը պատասխանատվություն եմ համարում: Մտածում եմ, քանի զինվոր ամեն տարի զրկվում է Աստծու խոսքից, եթե նրան չենք հասցնում Աստծու խոսքը: Սա պատասխանատվուոթյուն եմ համարում և ես Տիրոջ փառքի համար պատրաստ եմ օգնելու հայ զինվորին»:
Վրթանես Սրբազանը մեծարգո բարեկամին ներկայացրեց այն մեծ պահանջարկը, որ այսօր կա ԶՈՒ-ում և այս ծրագրից բխած օգտակարության մասին բերեց վկայություններ բարձրաստիճան սպաներից և զինվորներից: Հանդիպման ավարտին հարգարժան հյուրը ուրախությամբ ընդունեց մի սահմանամերձ զորանոց այցելելու հրավեր, ականատես լինելու բարերար գործի արդյունքներին:
