Գլխավոր | Բլոգ | Հայտարարություններ | Ձեռք Բերված Արդյունքների Խոսուն Պատկեր

Հայաստանի Աստվածաշնչային Ընկերության «Քայլող Ավետարան» ծրագիրը համավարակի օրերին ակտիվ շարունակել է աշխատանքներն առցանց հարթակում՝ Վայոց Ձորի մարզի Ռինդ գյուղում։ Ծրագրի իրականացման ընթացքում կազմակերպվեցին ոչ միայն Սուրբ Գրոց 12 սերտողություններ, այլև արտթերապիայի ձեռային աշխատանքներ, որոնց մասնակցեցին կանայք և պատանիներ։ Ծրագրի մասնակիցներն առցանց հարթակում սովորեցին գործել կարպետներ և աստվածաշնչյան առակների հերոսների տիկնիկները պատրաստել՝ շնորհիվ Հայաստանի Աստվածաշնչային Ընկերության աշխատակիցներ՝ արտթերապիստ՝ Սրբուհի Մովսիսյանի և հոգեբան-մանկավարժ՝ Սյուզաննա Սարգսյանի։
Հոգևոր ուսուցմանն առընթեր՝ այս հեռավար դասընթացները զարմանալիորեն տվեցին նաև շոշափելի փայլուն արդյունք՝ աստվածաշնչային և հոգևոր թեմաներով. 18 կարպետ՝ ազգային մշակութային մոտիվներով և 12 տիկնիկ՝ Հիսուսի առակներից քաղված։
Բոլոր գործերն էլ ինքնուրույն ստեղծագործություններ են, որոնք արտացոլում են ծրագրի մասնակից կանաց և պատանիների պատկերացումները, մտահղացումները, հույզերն ու զգացողությունները։ Որպես տիկնիկագործության դասերի պատասխանատու, իմ գոհունակությունն եմ հայտնում, հեռավար ֆորմատով կազմակերպված աշխատանքի արդյունքների ստացման համար։ Ճիշտ է, աշխատանքները տարվում էին առցանց, սակայն դա խոչընդոտ չհանդիսացավ փայլուն արդյունքներ արձանագրելու համար։
Աստվածաշնչային կերպարային տիկնիկները համավարակի և սահմանափակումների օրերին հոգևորի և արվեստի փոխակերպման արդյունք են, որոնք մեծ ազդեցությունն ունեցան արտթերապիայի միջոցով COVID-19-ի տագնապի հաղթահարման վրա։

Սյուզաննա Սարգսյան