COVID-19-ի հետևանքով առժամանակ առկախված Children in Need ծրագիրը այսօր սկսեց "Զատիկ" երեխաների աջակցության կենտրոնի դեռահասների հետ առաջին օնլայն հանդիպումը՝ ՀԱԸ-ի և "Զատիկ" կենտրոնի աշխատակազմերի ակտիվ նախապատրաստական աշխատանքներից հետո:
Սկսում ենք երեխաների հետ Հիսուսի Պայծառակերպության տոնին նախապատրաստվել այս թեմայի աստվածաշնչյան բնագրի ուսուցմամբ, կերպարային տիկնիկների պատրաստմամբ՝ Պայծառակերպության կամ Վարդավառի տոնը բեմադրելու համար: Զուգահեռաբար կենտրոնի երեխաները կպատրաստեն վարդավառյան Նուրի տիկնիկներ՝ Պայծառակերպության թեմայի և տոնի աստվածաշնչյան և ժողովրդական շերտերը լիաժեք պատկերացնելու և վերարտադրելու նպատակով:
