Գլխավոր | Բլոգ | Լրահոս | Զինվորի Աստվածաշունչ

ՀԱԸ կարծում է, որ հատուկ ուշադրության պետք է արժանացնել եկեղեցուց հեռու գտնվող երիտասարդների այս հատվածին, որոնք գտնվում են իրենց կյանքի կարևոր փուլում։

Զինվորներին հոգևոր գիտելիք տալու նպատակով ՀԱԸ 2010-2011 թթ. 10,000 օրինակ կոմուֆլյաժով Նոր Կտակարան և Սաղմոսներ է բաժանել մի քանի զորամասերում։ Ծրագիրն իրականացվել է անձնական նվիրատվություններով։
Նույն ժամանակահատվածում Աստվածաշնչի ուսուցման ծրագիր է սկսվել Պաշտպանության նախարարությունում՝ բոլոր բաժինների համար։

2011 թ. իրականացվում է այդ ծրագրի երկրորդ փուլը, որը սկսվել է փետրվարից՝ ամենշաբաթյա կանոնավոր հանդիպումներով։ Մինչև 2011 թ. մայիս ամիսը ՀԱԸ ծրագրերի տնօրենը, Հայորդյաց տների տեսուչ Հոգեշնորհ Տ. Կոմիտաս վրդ. Օհանյանի հետ միասին, մասնակցել է բոլոր 16 սեմինարներին՝ կազմակերպված Պաշտպանության Նախարարության և Զինված ուժերի հոգևոր տեսուչ Գերաշնորհ Տ. Վրթանես եպս. Աբրահամյանի կողմից՝ ՊՆ գլխամասում, Զինվորական Ակադեմիայում, Զինվորական Ավիացիայի Ակադեմիայում, Զինվորական հոսպիտալում, Ռազմական Ոստիկանությունում, Խաղաղարար ուժերում, Ռազմական քոլեջում և պատերազմի վետերանների համար։